U Minsku pabudujuć jašče adzin mikrarajon u Łošycy. Što tam budzie
U Łošycy-5 vyrastuć try žyłyja kvartały dla 8 tysiač čałaviek.
Jak paviedamlajuć «Minsk-Naviny», u Łošycy-5 źbirajucca ŭźvieści kala 210 tysiač kv. m žylla — kala 3130 kvater dla bolš jak 8 tysiač čałaviek.
Łošyca-5 budzie składacca z troch žyłych kvartałaŭ i raźmieścicca pobač ź siadzibna-parkavym kompleksam na terytoryi, dzie zaraz znachodziacca pryvatnyja damy.
Uzdoŭž vulicy Čyžeŭskich buduć damy ŭ 3-5 pavierchaŭ, ich pabudujuć pa indyvidualnych prajektach. Ź inšaha boku, uzdoŭž budučaha 3-ha transpartnaha kolca, płanujucca 7-8-paviarchovyja damy z abjektami absłuhoŭvańnia i padziemnymi aŭtastajankami. U paŭdniovaj i paŭdniova-ŭschodniaj častkach rajona na skryžavańni mahistralnych vulic pabudujuć budynki vyšynioj da 14 pavierchaŭ.
Zapłanavany dva dziciačyja sadki pa 230 miescaŭ i škoła na 1056 navučencaŭ.
Ułaśnikam žylla, što padlahaje znosu, jakija chočuć zastacca ŭ hetym rajonie, prapanujuć kvatery ŭ novabudoŭlach Łošycy-7.
Čytajcie taksama:
Ad 1000 dalaraŭ za «kvadrat». Kolki kaštujuć kvatery ŭ novych ŽK Minska
Žyllo ŭ novych kvartałach Masiukoŭščyny pačnuć budavać u nastupnym hodzie
