Biełarusy ŭ listapadzie pastavili hadavy rekord pa kuplach novych aŭto
Za listapad u Biełarusi pradadziena 3057 lehkavych i lohkich kamiercyjnych aŭtamabilaŭ, u tym liku 2689 lehkavych. Heta rekordny pakazčyk prodažaŭ za miesiac u biahučym hodzie, paviedamlaje Office Life sa spasyłkaj na kiraŭnika Biełaruskaj aŭtamabilnaj asacyjacyi Siarhieja Varyvodu.
Fota ilustracyjnaje
Raniej u kastryčniku pakupnikoŭ znajšli 2360 novych lehkavych aŭtamabilaŭ, u vieraśni — 2058, a ŭ žniŭni — 2019.
Za studzień — listapad 2023 hoda temp adnaŭleńnia rynku lehkavych aŭtamabilaŭ dasiahnuŭ 140%, a ŭ dačynieńni da listapada minułaha hoda rynak vyras na 340%. Miesiacam raniej hety pakazčyk byŭ roŭny 478,7%.
Na dumku Siarhieja Varyvody, hetyja ličby śviedčać ab pastupovym vyčarpańni efiektu nizkaj bazy i zapavoleńni tempu adnaŭlenčaj dynamiki.
Pašyryŭsia i madelny šerah pradavanych aŭtamabilaŭ. U pačatku hoda aŭtadylery paviedamlali ab prodažach 35 madelaŭ novych mašyn, a ŭ listapadzie havorka išła ŭžo pra 75 madelaŭ.
Pry hetym dola lehkavych aŭtamabilaŭ kitajskich marak u spravazdačnym miesiacy pieravysiła 84%. Kancern «BiełDžy», u svaju čarhu, zabiaśpiečyŭ 70% usich dylerskich prodažaŭ.
Čytajcie taksama:
80% pradukcyi aŭtazavoda «BiełDžy» idzie ŭ Rasiju
«BiełDžy» płanuje sioleta pradać 13 tysiač aŭtamabilaŭ
Abnoŭlenaja Lada Vesta, novy brend ź Irana i Kitaja. Biudžetnyja aŭto ŭ biełaruskich aŭtasałonach
