Žonka Alaksandra Hleba šukaje dziaŭčynu dla plamieńnika ŭ instahramie
Śviatłana Hleb, błohierka i žonka ŭ minułym paśpiachovaha futbalista Alaksandra Hleba, choča dapamahčy plamieńniku Andreju Sacharavu naładzić asabistaje žyćcio. Šukać dziaŭčynu jana vyrašyła z dapamohaj instahramu. Kryteryjaŭ ahučana niašmat.
Śviatłana Hleb i jaje plamienik Andrej Sacharaŭ. Fota: instahram-staronki hierojeŭ
U Śviatłany Hleb 81,4 tysiačy padpisčykaŭ.
Pieršaja ž storys, u jakoj jana rekłamavała plamieńnika, pa jaje słovach, vyzvali ažyjataž. Padpisčycy cikavilisia ŭzrostam maładoha čałavieka. Błohierka adznačaje, što bolš za ŭsio było zapytaŭ va ŭzrostavaj katehoryi kala 35 hadoŭ. Ale ž chłopcu ŭsiaho 22, tamu značnaja častka kandydatak zastałasia ni z čym.
Śviatłana paviedamiła, što płanuje abrać piać dziaŭčat i arhanizavać dla ich spatkańni ź plamieńnikam. Abiacaje, što tych čakajuć niezabyŭnyja ŭražańni, a taksama, što budzie cikava i kamfortna. Sam chłopiec zmoža pabačyć kandydatak na miesca ŭ svaim sercy tolki padčas sustreč.
U samoj Śviatłany patrabavańniaŭ da kandydatak niašmat. Prynamsi, u storys jana ahučyła ŭsiaho try: treba być hatovaj da surjoznych adnosin, chacieć bližej paznajomicca z Andrejem i žadać paŭdzielničać u hetaj avantury. Nu a dalej treba było praciahnuć serca-paŭzunok i spadziavacca, što Śviatłana źviernie ŭvahu.
Toj samy Andrej Sacharaŭ napisaŭ pra siabie ŭ instahramie, što jon prapahandyst sportu. Pa jaho profili bačna, što chłopiec sapraŭdy pravodzić šmat času ŭ trenažornaj zale — jon trenier u GYM EXPRESS 24h. U jaho šmat videa trenirovak. A jašče Andrej achvotna ŭdzielničaje ŭ zdymkach videa dla instahrama i tyktoka ciotki. Dziela jaje jon hatovy pieraapranucca navat u Kiena.
Raniej Śviatłana chvaliłasia padpisčycam tym, što mienavita jana paznajomiła svaju starejšuju dačku Naściu ź jaje mužam-futbalistam Uładzisłavam Klimovičam. Ciapier jon hulaje za DVTK — vienhierski spartyŭny kłub ź Miškolca, tamu maładaja siamja žyvie ŭ Vienhryi. Hod tamu ŭ pary naradziŭsia syn Arciom.
Śviatłana paabiacała, što, kali ŭ jaje i na hety raz usio atrymajecca, mahčyma, jana dapamoža znajści kachańnie kamuści jašče.
Čytajcie taksama:
«Usio idealna čysta». Žonka Alaksandra Hleba raskazała, čym joj padabajecca Dubaj
Alaksandr Hleb sabraŭ u škołu dačku-pieršakłaśnicu. Ci chapiła rekamiendavanaj čynoŭnikami sumy?
Uejn Runi ŭznačaliŭ kłub, za jaki kaliści hulaŭ Alaksandr Hleb
