U Biełarusi vystavili na prodaž Mercedes-Benz W124 za 54 000 dalaraŭ. Za što prosiać takija hrošy
Pahladzieli, čamu za 31-hadovaha «Mersa» prosiać tak šmat.
Fota: av.by
«Cana paznačanaja dakładna»
U Minsku za 54 tysiačy dalaraŭ pradajuć Mercedes-Benz E500 u kuzavie W124. Vysokaja cana na aŭtamabil 1992 hoda vypusku abhruntoŭvajecca tym, što heta nie niejki šarahovy 124-ty, a aryhinalny Je500.
Pad kapotam u jaho 5-litrovy V8 mahutnaściu 322 k.s. Zajaŭleny prabieh aŭtamabila — 248 tysiač kiłamietraŭ.
Prynamsi vizualna aŭtamabil znachodzicca ŭ dobrym stanie.
Fota: av.by
Skurany sałon, siadzieńni z elektrapryvadam i pamiaćciu, jość klimat-kantrol, kruiz-kantrol i navat mabilny telefon ź firmovym łahatypam Mercedes-Benz.
Fota: av.by
U abjavie paznačana, što aŭtamabil u Biełaruś pryjechaŭ z Hiermanii ŭ 2002 hodzie i ŭvieś hety čas znachodziŭsia va ŭłasnaści adnaho čałavieka.
«Stan idealny. Cana paznačanaja dakładna. Chto nie viedaje, što heta za aŭtamabil, prahortvać», — dadaje pradaviec.
Fota: av.by
Čym unikalny hety aŭtamabil?
Je500 u 124-m kuzavie vypuskali z 1990 pa 1994 hod. Ad zvyčajnych W124 jon adroźnivajecca nie tolki technična, ale i źniešnie. Hetuju madel možna adroźnić pa pašyranych kołavych arkach, inšych bampierach i bakavych nakładkach, jakija ŭ narodzie zavuć «listvoj».
Madel Je500 była raspracavanaja inžynierami Mercedes-Benz pry ŭdziele inžynieraŭ Porsche. U 1993 hodzie novy taki aŭtamabil kaštavaŭ 145 tysiač dojčmarak u Niamieččynie i 81 800 dalaraŭ u ZŠA.
Fota: av.by
Usiaho było vypuščana 10 479 Mercedes-Benz E500 u kuzavie W124.
Ci sapraŭdy jon nastolki kaštoŭny?
U Biełarusi inšych Je500 u prodažy niama, a nastupnyja pa darahoŭli W124 pradajucca za 11 000 i 10 500 dalaraŭ ZŠA.
Na niamieckim sajcie pa prodažy aŭto mobile.de ceny na Mercedes-Benz E500 pačynajucca z 30 tysiač jeŭra.
Fota: skrynšot z sajta mobile.de
Adziny Je500, vystaŭleny na prodaž na rasijskim sajcie auto.ru, acenieny ŭ 3,9 młn rasijskich rubloŭ — heta kala 43 tysiač dalaraŭ.
Čytajcie taksama:
Na prodaž amal za 20 tysiač dalaraŭ vystavili 15-hadovy VW Passat B6. U čym jaho fiška
