Žonka Kamisaranki: Šmat hadoŭ tamu padzarablała vebkam-madellu, ale daravała sabie hetu pamyłku
Žonka komika Słavy Kamisaranki vykazałasia z nahody skandału vakoł ich šlubu. Nahadajem, komik paśla viasiella apublikavaŭ post, u jakim pryznaŭsia, što nie viedaŭ pra minułaje dziaŭčyny (pracu vebkam-madellu), a kali spytaŭ, to jana jamu schłusiła.
Julija. Fota: instahram dziaŭčyny
Julija Šaškova napisała, što šmat hadoŭ tamu padzarablała jak vebkam-madel.
«Heta doŭžyłasia niekalki tydniaŭ i da siońniašnich dzion hety epizod praktyčna ściorsia z majoj pamiaci, tamu što hańbavańnie takich dziejańniaŭ tak ci inakš prymušaje ciabie pakinuć ich samymi patajemnymi i zabycca.
Tak, na žal, u mianie nie było naležnaha pałavoha i jak takoha vychavańnia i atačeńnia, jakoje zmahło b pieraścierahčy ad padobnaha zaniatku.
Ale ja ŭžo daŭno prajšła toj uzrostavy pieryjad junackaha infantylizmu, kali chaciełasia raspranacca pierad kamieraj.
Vychoŭvała ŭ sabie najlepšyja jakaści i žyła žyćcio zvyčajnaj žančyny, jakaja chacieła ščaścia, sabaku, budavała płany na budučyniu.
I ŭsie maje patajemnyja žadańni na siońnia byli — heta naviedać Antarktydu i padarožničać pa Amierycy na mašynie.
Ale adbyłosia toje, što adbyłosia.
I značyć tak pavinna było zdarycca.
Ja daravała sabie hetuju pamyłku i na hetym staŭlu kropku ŭsioj hetaj historyi»,
— napisała dziaŭčyna ŭ telehram-kanale.
Pra šlub Kamisaranki stała viadoma z dopisaŭ jaho žonki. 12 vieraśnia jana apublikavała viasielnyja foty ŭ svaim instahramie. Viasielle, mierkavana, było ŭ Čarnahoryi.
Nakolki viadoma, Julija Šaškova rodam z Takmaka pad Zaparožžam. U siecivie paśla naviny pra viasielle stali abmiarkoŭvać, što dziaŭčyna — byłaja vebkamščyca (tak nazyvajuć tych, chto za hrošy raździavajecca na kamieru ci vykonvaje inšyja prośby klijenta). U adkrytym dostupie možna adšukać i fota dziaŭčyny — pa vialikich tatuiroŭkach možna zrabić vysnovy, što na tych hołych zdymkach jana.
Praź niekatory čas Kamisaranka ahałomšyŭ pryznańniem:
«Ja pra heta ničoha nie viedaŭ, a kali ja daviedaŭsia i spytaŭ, mnie ŭsio roŭna schłusili. Tak, ja liču, što minułaje ŭ čałavieka moža być jakim zaŭhodna, ale vy pavinny pra heta adkryta skazać partnioru, a nie chavać heta i nie admaŭlać da momantu, kali heta ŭsio ŭskryjecca».
Čytajcie taksama:
Kamisaranka pra svoj šlub: U hetaj situacyi žachliva ŭsio
Słava Kamisaranka, zdajecca, ažaniŭsia. Źjavilisia fota viasiella
Ci zmoža štučny intelekt pisać žarty pra Łukašenku zamiest Słavy Kamisaranki? Komik pravieryŭ
ludzi ženiacca pa lubvi