«Bavaryja» damoviłasia pra tranśfier Kiejna za 100 młn jeŭra. Rašeńnie — za hulcom «Totenchema»
Chary Kiejn, imavierna, piarojdzie ŭ miunchienski kłub.
Chary Kiejn. Fota: Vince Mignott / MB Media / Getty Images
Miunchienskaja «Bavaryja» dasiahnuła pahadnieńnia z «Totenchem Chotspur» ab padpisańni Chary Kiejna.
Prapanova ad Bundeślihi, jak miarkujecca, koštam bolšym za 100 miljonaŭ jeŭra (86,4 miljona funtaŭ, 110 miljonaŭ dołaraŭ), była pryniata ich kalehami z Premjer-lihi ŭ sieradu, piša The Atletic.
Ciapier słova za Kiejnam.
30-hadovy forvard chacieŭ, kab situacyja vyrašyłasia da startavaha matču siezona «Totenchema» z «Brentfardam» u hetu niadzielu.
Adnak, jak piša The Athletic, Kiejnu padabajecca ŭ «Totenchemie».
U Kiejna minajuć apošnija 12 miesiacaŭ jaho kantraktu, i «špory» chočuć ukłaści ź im novuju damovu.
Chary Kiejn — adzin z najlepšych hulcoŭ anhlijskaj premjer-lihi i suśvietnaha futboła. Za «Totenchem» jon zhulaŭ 317 matčaŭ i zabiŭ 213 miačoŭ, ale nie zavajavaŭ z kłubam nivodnaha trafieja.
Naprykład, kłub apošni raz byŭ čempijonam Anhlii ŭ 1961 hodzie, a ŭ 2019 hodzie dajšoŭ da finału Lihi čempijonaŭ, dzie prajhraŭ «Livierpulu».
Taksama Kiejn pravioŭ 84 matčy za zbornuju Anhlii, ź jakoj uziaŭ srebra Jeŭra-2021 i bronzu Lihi nacyj — 2019.
Čytajcie taksama:
«ManJunajted» kupiŭ hałkipiera za 52,5 młn jeŭra, a jon uziaŭ i prapuściŭ z centra pola VIDEA
Matč Lihi čempijonaŭ pieranieśli z-za hibieli zaŭziatara. Jon zahinuŭ u žorstkaj bojcy
