Zavod u Padmaskoŭi, dzie siońnia prahrymieŭ vybuch, udzielničaŭ u raspracoŭcy novaha samalota-bambavika — «Ahientstvo»
«Zahorski optyka-miechaničny zavod» u padmaskoŭnym Sierhijevym Pasadzie, na jakim 9 žniŭnia prahrymieŭ vybuch, udzielničaŭ u raspracoŭcy rasiejskaha «stełs»-bambavika novaha pakaleńnia, paviedamiła rasiejskaje vydańnie «Ahientstvo».
Bambavik «Pasłańnik». Fota: RIA «Novosti»
«Jak śviedčyć sajt dziaržzakupak, pradpryjemstva nie prosta praciahvaje pastaŭlać optyku rasiejskim siłavikam, ale i z 2019 hoda ŭdzielničaje ŭ raspracoŭcy rasiejskaha stratehičnaha bambavika-rakietanosca novaha pakaleńnia «Pasłańnik», — paviedamlaje «Ahientstvo».
Dziaržkantrakty zavoda pierastali publikavacca amal adrazu paśla pačatku poŭnamaštabnaha ŭvarvańnia RF va Ukrainu — z sakavika 2022 hoda, ale zaklučanyja raniej kantrakty ŭsio jašče dastupnyja. Siarod ich jość i «vykanańnie sastaŭnoj častki dośledna-kanstruktarskaj raboty pa temie šyfr: «Posłańnik-1OJeP/Ł».
Termin vykanańnia hetaha kantrakta — 2027 hod, košt rabot — 69 miljonaŭ rubloŭ. Paviedamlajecca, što zakazčyk rabot − Nacyjanalny daśledčy instytut «Ekran» (Samara), jaki zajmajecca, u pryvatnaści, raspracoŭkaj abstalavańnia dla vajskovaj avijacyi. Hałoŭny vykanaŭca prajekta — kampanija «Tupolev», dziaržzakazčyk − Minabarony Rasiei.
U kantrakcie paznačana, što sačyć za rabotami pavinny vajskovyja pradstaŭnictvy Minabarony RF №1205 (Sierhijeŭ Pasad) i №684 (Samara), jakija adkazvajuć za kantrol jakaści i pryjomku pradukcyi dla viedamstva.
Čytajcie taksama:
Hiermanija pieradała Ukrainie jašče dźvie puskavyja ŭstanoŭki ZRK Patriot
