Da kaściolnaha festu ŭ Hudahai zładzili motapilihrymku ŠMAT FOTA
U katalickim sanktuaryi Maci Božaj Škaplernaj u Hudahai 15-16 lipienia adznačyli adpustovuju ŭračystaść z udziełam biełaruskich biskupaŭ, šmatlikich śviataroŭ i śvieckich viernikaŭ. Z hetaj nahody da sanktuaryja praviali motapilihrymku pa maršrucie «Narač — Astraviec — Hudahaj», piša sajt Katolik.life
Jak paviedamili na staroncy Astravieckaj supolnaści matacyklistaŭ No limits, jaje ŭdzielnikaŭ zaprasili ŭ motaprabieh razam z ksiandzami-bajkierami. Da śviataroŭ dałučylisia niekalki motaamataraŭ, jakija paśla błasłavieńnia vypravilisia ŭ darohu.
Pa darozie ŭdzielniki motapilihrymki naviedvali śviatyni dy inšyja cikavyja miescy. Uviečary bajkiery prybyli na fest. Fota apublikavali staronki sanktuaryja ŭ Hudahai i supolnaści matacyklistaŭ No limits.
Darečy, bajkiery z hetaj supolnaści nie pieršy raz naviedvajuć kaścioły — raniej jany źbiralisia na śviatoj Imšy ŭ intencyi ŭsich zahinułych matacyklistaŭ.
Čytajcie taksama:
Jak vyhladaje ciapier kaścioł u Sołach, dzie zafarbavali fresku «Cud nad Visłaj» FOTA
