AAN: Kala traciny zahinułych padčas vajny va Ukrainie — pažyłyja ludzi
Kala traciny zahinułych padčas vajny va Ukrainie — pažyłyja ludzi, z 4187 achviar, što ŭdałosia zafiksavać, 1346 byli starejšyja za 60 hadoŭ, paviedamlajecca ŭ spravazdačy, jakuju skłali naziralniki AAN pa pravach čałavieka.
Fota: Vadim Ghirda / AP Photo
Pravaabaroncy vyjavili, što pažyłyja ludzi asabliva mocna paciarpieli ad pierabojaŭ elektraenierhii z-za rasijskich atak na krytyčna važnuju infrastrukturu z kastryčnika 2022 hoda. Ludzi zastavalisia ŭ kvaterach i nie mahli spuścicca na vulicu, kali ŭ ich złamalisia lifty, piša Bi-bi-si.
Niekatorych davodziłasia evakujavać naśpiech, mnohich nie ŭdałosia vyratavać.
Rasija nieadnarazova admaŭlała naniasieńnie ŭdaraŭ pa hramadzianskim nasielnictvie i cyvilnaj infrastruktury va Ukrainie.
AAN paviedamlaje pra 18 500 achviar, siarod jakich bolš za 6660 zabitych, na terytoryi, jakuju kantraluje Ukraina ź lutaha 2022 hoda.
