«Viartacca ŭ damy nie varta». U Biełharodskaj vobłaści praciahvajecca «kontrterarystyčnaja apieracyja»
Rasijski hubiernatar Viačasłaŭ Hładkoŭ zajaviŭ, što ŭ Biełharodskaj vobłaści praciahvajecca «kontrterarystyčnaja apieracyja» suprać uzbrojenych hrup, jakija 22 maja pranikli na terytoryju vobłaści.
Dym ad pažaraŭ u pamiežnaj vioscy. Kadr ź videa
«Adnosna situacyi ŭ Hrajvaronskaj akruzie. Praciahvajecca začystka terytoryi Ministerstvam abarony razam ź siłavymi strukturami. Ale viartacca pakul u svaje damy nie varta», — napisaŭ hubiernatar.
Pavodle słoŭ Hładkova, u nasielenych punktach, u jakija zajšli ŭzbrojenyja hrupy, jość dvoje paranienych mirnych žycharoŭ, da jakich nie zmahli dajści rasijskija siłaviki.
Zahinułych siarod mirnaha nasielnictva na siońniašni dzień niama, dadaŭ Hładkoŭ.
Čytajcie taksama:
Ukraincy zachapili pamiežny punkt, padyšli da horada Hrajvarana ŭ Biełharodskaj vobłaści
