Kibierpartyzany vykłali razmovy siłavikoŭ ranicaj paśla pasadki samalota Ryanair i zatrymańnia Pratasieviča
U čarhovym źlivie pieramovaŭ siłavikoŭ hučać imiony kankretnych asobaŭ, jakija vykonvali zadaču pa zatrymańni Pratasieviča ŭ aeraporcie. Aŭdyjazapisy zroblenyja ranicaj 24 maja 2021 hoda. U razmovach udzielničajuć Dudčyk Siarhiej Mikałajevič sa Štaba MUS, Chalecki Vital Leanidavič — dziažurny HUBAZiK i Hajko Artur Siarhiejevič — staršy opierupaŭnavažany pa AUS HUBAZiK.
Hetyja zapisy, jak śćviardžajuć «Kibierpartyzany», dakazvajuć, što zatrymańnie było spłanavanaje. Pakul kadebešniki kiravali pasadkaj samalota, supracoŭniki HUBAZiKa rychtavalisia da zatrymańnia.
Dla zatrymańnia pieršapačatkova było sfarmavana 2 hrupy. U adnoj ź ich znachodziłasia kiraŭnictva, a druhaja vyjazdžała niepasredna na zatrymańnie.
Paśla zatrymańnia Pratasieviča nie adrazu advieźli ŭ SIZA, jaho cełuju noč dapytvali. Artur Hajko ranicaj paviedamlaje Siarhieju Dudčyku, što Pratasievič dahetul na dopycie.
