Irynu Darafiejevu abrali staršynioj aŭtarskaj rady Nacyjanalnaha centra intelektualnaj ułasnaści
U Nacyjanalnym centry intelektualnaj ułasnaści prajšło pasiadžeńnie rekamiendacyjna-kansultatyŭnaj (aŭtarskaj) rady. Na im byŭ abrany novy staršynia arhanizacyi.
Im stała zasłužanaja artystka Biełarusi Iryna Darafiejeva. Kandydaturu śpiavački padtrymali adnahałosna, paviedamlaje «Narodnaja vola».
— Iryna Arkadzieŭna — aŭtarytetnaja asoba, — adznačyŭ člen savieta, narodny artyst Biełarusi, kampazitar Leanid Zachleŭny. — Ja dumaju jaje aŭtarytet, kamunikabielnaść, hramadskija i tvorčyja suviazi dapamohuć vyrašyć mnohija pytańni, źviazanyja z aŭtarskim pravam u Biełarusi.
Leanida Zachleŭnaha padtrymali narodnyja artysty Biełarusi Vasil Rainčyk i Eduard Chanok, kampazitar Leanid Šyryn, režysior Alaksandr Vaviłaŭ i inšyja členy aŭtarskaha savieta pry NCIS.
