Źjaviŭsia robat, zdolny źbirać maliny. Miakkija jahady dahetul byli nievyrašalnaj zadačaj dla techniki
U brytanskich supiermarkietach užo pradajuć maliny, jakija źbirali nie ludzi, a robaty. Zbor malinaŭ — sapraŭdny vyklik dla raspracoŭščykaŭ techniki, bo hetaja jahada miakčejšaja za inšyja i raście na vysokich kustach na roznaj vyšyni.
Fota: Fieldwork Robotics
Ale brytanskaj kampanii Fieldwork Robotics udałosia dać rady vykliku. Jany vyrabili pieršych u śviecie robataŭ, jakija zdolnyja akuratna źbirać mienavita takija miakkija jahady, jak malina. Raspracoŭka kaštavała dva miljony funtaŭ sterlinhaŭ.
Źbiralnik malinaŭ ad Fieldwork Robotics — čatyrochruki robat amal dvuchmietrovaj vyšyni. Usie ruki pracujuć niezaležna adna ad adnoj, šukajučy siarod liścia malinu. Robat vyznačaje śpiełaść malin i akuratna adździalaje kožnuju jahadu ad halinki.
Pieršapačatkovaja madel była adnarukaj i pracavała vielmi pavolna, vydatkoŭvajučy nie mienš za chvilinu na zbor adnoj jahady. Jaje navat nie puścili ŭ vytvorčaść, a vyrašyli dapracavać. Ciapierašniaja madel aŭtamatyzavanaha zborščyka maliny apracoŭvaje bolš za kiłahram jahad za hadzinu, i raspracoŭniki abiacajuć, što chutka jana zmoža źbirać i pa 4 kh.
Fota: Fieldwork Robotics
Robat moža apynucca całkam realnaj pahrozaj dla siezonnych rabočych, jakich nabirajuć uładalniki płantacyj.
Čałaviek, jaki pracuje na źbirańni malinaŭ, u siarednim źbiraje 15 tysiač jahad za dzień. A robat, kažuć u Fieldwork Robotics, zdolny źbirać 25 tysiač jahad.
Darečy, kampanija raspracoŭvaje robataŭ, pryznačanych dla zboru i inšaj sielskahaspadarčaj pradukcyi, naprykład, kviacistaj kapusty.