Usie kramy Bigzz nie pracujuć. Kampanija pajšła na likvidacyju
Da zakryćcia ŭ kampanii «Baniar» zastavałasia pracavać piać kram Bigzz i dźvie «Skarbonki» («Kopiłki»). Ciapier usie jany nie pracujuć. Pierad zakryćciom tam zładzili vialikija rasprodažy sa źnižkami 50%, piša Tut.by.
Pavodle servisu kartoteka, z 26 lutaha «Baniar» znachodzicca ŭ likvidacyi. Likvidatar ciapier prymaje spravy kampanii i kaža, što jurydyčnuju asobu likvidujuć pa rašeńni ŭłaśnika.
U lutym palicy kram Bigzz apuścieli. Vyśvietliłasia, što da kampanii jość pretenzii ad pastaŭščykoŭ, a na 16 lutaha na sajcie rejestra zapazyčanaściaŭ pa vykanaŭčych dakumientach pry Miniuście, dzie publikujecca infarmacyja ab spahnańni daŭhoŭ praz orhany prymusovaha vykanańnia, było šeść vytvorčaściaŭ na sumy ad 4 tysiač rubloŭ da 131 tysiačy rubloŭ. Ciapier hetych šaści daŭhoŭ niama.
Ale da 3 sakavika ŭ rejestry źjaviłasia 28 vytvorčaściaŭ u dačynieńni da «Baniar» z ahulnaj sumaj bolš za 1 młn rubloŭ pa daŭhach. Mnohija ź ich paznačanyja jak zapazyčanaści za tavary i pasłuhi.
Kampanija «Baniar» naležyć Barysu, Alaŭcinie i Natalli Łukomskim, a taksama kiprskaj jurydyčnaj asobie Geprocon Limited.
