Karcinu Sandra Batyčeli pradali za $92 miljony
Pałatno «Małady čałaviek ź miedaljonam» fłarencijskaha mastaka epochi Adradžeńnia Sandra Batyčeli pradali na aŭkcyjonie Sotheby's za 92,2 miljona dalaraŭ. Asoba pakupnika nieviadomaja.
Partret byŭ napisany prykładna ŭ 1480 hodzie. Chto na im namalavany, nieviadoma. Miarkujecca, što heta pradstaŭnik mahutnaha fłarencijskaha siamiejstva Miedyčy. Z XVIII stahodździa karcina zachoŭvałasia ŭ siamji brytanskich baronaŭ Njubara. U 1982 hodzie jaje kupiŭ na aŭkcyjonie za 1,3 miljona dalaraŭ papiaredni ŭładalnik — amierykanski deviełapier Šełdan Sałoŭ, piša meduza.io.
#AuctionUpdate: Sandro Botticelli's masterpiece Young Man Holding a Roundel, one of the most significant portraits of any period ever to appear at auction, and a defining work of the Florentine Renaissance achieves $92.2 million -- a new auction record for the artist pic.twitter.com/lqsdOC1gtX
Košt 92,2 miljona dalaraŭ — heta novy rekord dla rabot Batyčeli, kali-niebudź pradadzienych na aŭkcyjonach. Papiaredni rekord byŭ u 2013 hodzie, kali za karcinu «Madonna ź niemaŭlom i junym Janam Chryścicielem» zapłacili 10,4 miljona dalaraŭ.
Akramia taho, pałatno Batyčeli stała adnym z samych darahich partretaŭ, kali-niebudź pradadzienych, i samaj darahoj pracaj starych majstroŭ z tych časoŭ, jak u 2017 hodzie karcinu «Zbaŭca śvietu» Leanarda Da Vinčy kupili za 450 miljonaŭ dalaraŭ.
