U Łatvii ad karanavirusa pamior karejski kinarežysior Kim Ki Duk
Fota z sajta kino-teatr.ru
Łaŭreat Kanskaha, Vieniecyjanskaha i Bierlinskaha kinafiestyvalaŭ, režysior Kim Ki Duk pryjechaŭ u Łatviju 20 listapada, a pačynajučy z 5 śniežnia nie vychodziŭ na suviaź. Siońnia stała viadoma, što jon pamior ad uskładnieńniaŭ COVID-19, piša Delfi.
U Łatviju režysior prybyŭ praz Estoniju z Sankt-Pieciarburha. Pavodle nieaficyjnaj infarmacyi, u płanach suśvietna viadomaha režysiora było nabyćcio doma ŭ Jurmale i afarmleńnie dazvołu na žycharstva, ale na zapłanavanuju sustreču režysior nie źjaviŭsia. Paśla hetaha jaho kalehi padniali tryvohu i pačali pošuk pa balnicach. Pošuk byŭ abciažarany ŭ suviazi z praviłami pa abaronie asabistych źviestak.
Kim Ki Duk — łaŭreat Vieniecyjanskaha kinafiestyvalu za filmy «Pjeta» i «Pusty dom», Kanskaha kinafiestyvalu za film «Aryran», Bierlinskaha kinafiestyvalu — za stužku «Samarycianka». Taksama viadomy jak aŭtar filmaŭ «Viasna, leta, vosień, zima i znoŭ viasna», «Naciahnutaja cieciva», «Čas».
Apošnija hady Kim Ki Duk byŭ ciesna źviazany z Rasijaj i Kazachstanam.