Aŭtazak, sud i adsiedka ŭ Žodzinie vačyma mastaka: eciudy Uładzisłava Stalmachova
Viadomy biełaruski mastak Uładzisłaŭ Stalmachoŭ apublikavaŭ sieryju malunkaŭ z «žodzinskaha pleneru». Eciudy ilustrujuć budni sukamiernikaŭ mastaka ŭ izalatary ŭ Žodzinie, dzie jon adbyŭ 10 sutak aryštu, piša Tut.by.
Uładzisłaŭ Stalmachoŭ razam z dačkoj byŭ zatrymany 9 listapada ŭ Minsku. Ab svaim zatrymańni Uładzisłaŭ raskazvaje tak: «Spačatku nas vieźli ŭ ciesnym «stakanie» aŭtazaka, zatym Leninski RUUS. Tam, u pryncypie, usio było nie drenna, było vidać, što heta ŭsio ich dastała i jany ŭsio razumiejuć, ale ničoha zrabić nie mohuć… U Žodzinie žarścili na pryjomcy, asabliva ciažka było maładym. Žyvie Biełaruś!»
Paśla dziesiaci sutak aryštu mastak vyjšaŭ ź IČU ŭ Žodzinie. Pa pamiaci jon namalavaŭ eciudy, jakija ilustrujuć turemny pobyt.
Uładzisłaŭ žyvie ŭ Minsku i pracuje ŭ žanrach žyvapisu, hrafiki, skulptury. Jak adznačajuć krytyki, u svajoj tvorčaści mastak raźvivaje i pieraasensoŭvaje tradycyi prymityvizmu, t. zv. naiŭnaha mastactva i avanhardu XX st.
