Stała viadoma, jaki film budzie pradstaŭlać Biełaruś na «Oskary»
Pavodle staršyni biełaruskaha oskaraŭskaha kamiteta Ihara Poršnieva našu krainu na sioletnim «Oskary» buduć pradstaŭlać «Uroki farsi» Vadzima Pierelmana. Takuju infarmacyju jon paćvierdziŭ «Našaj Nivie», praŭda, inšyja krynicy paviedamlajuć, što siabry kamiteta ŭsio jašče sumniavajucca i kančatkovaje rašeńnie pakul što nie pryniata.
Oskaraŭski kamitet byŭ adnoŭleny ŭ Biełarusi ŭ 2018-m, kab upieršyniu za dvaccać hadoŭ vysunuć na premiju Amierykanskaj kinaakademii film ad Biełarusi — heta była karcina «Chrustal» Darji Žuk. U nastupnym hodzie ŭ jakaści našaha pradstaŭnika była abrana dakumientalnaja karcina Nastaśsi Mirašničenka «Debiut».
Sioleta siabry oskaraŭskaha kamiteta vybirajuć pamiž filmami «Uroki farsi» i II Ułady Sieńkovaj. Peŭnyja krynicy paviedamili «Našaj Nivie», što kamitet taksama razhladaje varyjant nie vysoŭvać na «Oskar» ničoha.
«Uroki farsi» — bujny mižnarodny kinaprajekt, premjera jakoha adbyłasia na Bierlinskim kinafiestyvali, praŭda, choć u jaho stvareńni zadziejničany «Biełaruśfilm», dačynieńnia da biełaruskaha kino jon maje niašmat. U svaju čarhu karcina II — nie takaja masštabnaja, ale całkam biełaruskaja niezaležnaja małabiudžetnaja drama režysiorki Ułady Sieńkovaj, jakaja vostra vykazvajecca pra strachi i zababony biełaruskaha hramadstva.
«Naša Niva» budzie sačyć za navinami.