Žychar Salihorska pahražaŭ milicyjanieram pnieŭmatykaj. Atrymaŭ try hady kałonii

Žychara Salihorska asudzili na try hady kałonii za pahrozu milicyjanieram pnieŭmatykaj, paviedamlaje MUS.

U vieraśni pravaachoŭniki paviedamlali ab zatrymańni 40-hadovaha žychara Salihorska, jaki nakiravaŭ pistalet na milicyjanieraŭ i pahražaŭ im raspravaj. Tady ŭ dačynieńni da mužčyny była zaviedziena kryminalnaja sprava za supraciŭ supracoŭnikam orhanaŭ unutranych spraŭ, jakija achoŭvajuć hramadski paradak, spałučany z pahrozaj prymianieńnia hvałtu.

Siońnia sud vynies prysud: abvinavačany pryznany vinavatym u złačynstvie i asudžany da troch hadoŭ pazbaŭleńnia voli ŭ papraŭčaj kałonii ahulnaha režymu.

U asudžanaha kanfiskavany pnieŭmatyčny pistalet, a sam jon abaviazany vypłacić pa 2 tysiačy rubloŭ milicyjanieram za maralnuju škodu.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0