Stała viadoma pra jašče adnaho abvinavačanaha pa spravie ab «masavych biesparadkach»
Ilustracyjnaje fota
Stała viadoma jašče ab adnym abvinavačanym pa kryminalnaj spravie ab udziele ŭ hrupavych dziejańniach, što hruba parušajuć hramadski paradak (art. 342 KK), jakoha źmiaścili pad vartu. Heta Alaksiej Sančuk, paviedamlaje spring96.org.
Chłopca zatrymali 4 listapada na repietycyjnaj kropcy ŭ Minsku z barabanščykami. Tady zatrymali nie mienš za 10 muzykaŭ. Paśla hetaha Alaksieja asudzili na 15 sutak, paśla jakich jon na volu nie vyjšaŭ.
«Jaho źbili, prymusili telefon adkryć, a tam jon punkty zboru chłopcam na Marš pryznačaje. I ŭsio — dla ich jon arhanizatar masavych biesparadkaŭ. Jaho pavinny byli vypuścić paśla 15-ci sutak 19 listapada, ale nie adpuścili i 26-ha. Jamu vystavili abvinavačvańnie. Na dadzieny momant jon znachodzicca ŭ SIZA na Vaładarskaha, ale jaho pavinny pieravieści ŭ Žodzina, bo miera strymańnia abranaja pad vartaj», — raspaviali jaho tavaryšy-muzyki.