Fatohrafku «Novaha času» Janu Trusiła asudzili na 15 sutak
Pazaštatnaj fotakarespandentcy «Novaha času» 20-hadovaj Janie Trusiła siońnia prysudzili 15 sutak administracyjnaha aryštu. Prysud vyniesła sudździa Leninskaha rajona Minska Julija Šut. Noč dziaŭčyna praviała ŭ CIP na Akreścina, paviedamlaje vydańnie.
Janu zatrymali ŭčora kala 15:40 u dvarach la doma pa vulicy Prytyckaha, 72.
Jak paviedamili vidavočcy, za joj hnalisia blizu čatyroch čałaviek u aliŭkavaj formie, bo žurnalistka, vierahodna, zdymała śpiectechniku. Dziaŭčynu dastavili ŭ Leninskaje RUUS, adkul joj dazvolili patelefanavać maci.
Heta ŭžo druhoje zatrymańnie Jany Trusiła. Pieršy raz jaje zatrymali padčas maršu ŭ Kurapaty 1 listapada i prysudzili 13 sutak administracyjnaha aryštu. Ich Jana adbyvała spačatku na Akreścina, potym, u dzień pieradač, jaje razam ź inšymi viaźniami vyvieźli ŭ SIZA ŭ Baranavičy.
