Hreka-katalickaha śviatara ź Ivacevičaŭ asudzili na 10 sutak
Hreka-katalickaha śviatara Vitala Bystrova ź Ivacevičaŭ siońnia prysudzili da aryštu na 10 sutak pavodle art. 23.34 KaAP (udzieł u niesankcyjanavaj akcyi).
«Jon nievinavaty, sprava jahonaja naciahnutaja. Nas heta vielmi turbuje. Taksama jak i vyklik u kryminalny vyšuk na 1 śniežnia ksiandza Viačasłava Barka. I śviatary, i vierniki Biełaruskaha katalickaha kaścioła,— usie pieražyvajuć, heta jašče bolš napalvaje situacyju i pahražaje niestabilnaściu ŭ hramadstvie. Kali ŭžo śviataroŭ pačali aryštoŭvać i pieraśledavać za ich słovy, to kudy my kročym», — prakamientavaŭ Svabodzie hety vypadak pres-sakratar Biełaruskaha katalickaha kaścioła Jury Sańko.
Pavodle jahonych słoŭ, u žniŭni adrazu paśla vybaraŭ dvoje katalickich śviataroŭ byli zatrymanyja ŭ Baranavičach i adbyli 8-sutkavy aryšt, ale jany tady byli zatrymanyja ŭ cyvilnym, paśla šumu ŭ ŚMI ich adpuścili. Ciapierašni prysud ajciec Jury Sańko nazvaŭ biesprecedentnym.
