Pravaabaroncy: Padčas Maršu susiedziaŭ 29 listapada zatrymali bolš za 400 čałaviek
Na hety momant pravaabaroncam-viasnoŭcam viadomyja 416 proźviščaŭ ludziej, zatrymanych u Minsku, Žodzinie, Dziaržynsku dy inšych haradach. Siarod ich — vybitny ekanamist, člen Kaardynacyjnaj rady Dźmitryj Kruk (Minsk) i kandydat sielskahaspadarčych navuk Iraida Misko (Žodzina).
29 listapada ŭ roznych mikrarajonach Minska adbyłosia kala 60 šeściaŭ pratestu. U ich uziali ŭdzieł niekalki dziasiatkaŭ tysiač čałaviek. Najbolšyja šeści, z udziełam niekalkich tysiač žycharoŭ kožnaje, adbylisia ŭ Dambroŭcy na vulicach Žynoviča-Matusieviča i na Zachadzie (vulicy Burdziejnaha-Adzincova). Masavyja šeści adbylisia taksama na Paŭdniovym Zachadzie, va Uruččy i na Partyzanskim praśpiekcie. Siłaviki lotali pa horadzie na busach i razhaniali ludziej, ale šeści ŭtvaralisia znoŭ, časam na susiednich vulicach.
Akcyi pratestu adbylisia taksama ŭ niekalkich dziasiatkach łakacyj Bresta, Hrodna, Homiela, Mahilova, Viciebska, u Žodzinie, Smalavičach, Dziaržynsku, Baraŭlanach, Radaškovičach, Lachavičach, inšych haradach i pasiołkach.
Ahulnaja ličba zatrymanych za čas pratestaŭ pierasiahnuła 31 tysiaču čałaviek.
