70 hod majstru-juvieliru Mikałaju Kuźmiču — heta jon adnaviŭ Kryž Jeŭfrasińni Połackaj
28 listapada — jubilej u majstra-juvielira Mikałaja Kuźmiča. Heta jon adnaviŭ Kryž Jefrasińni Połackaj, stračany ŭ vajnu, a taksama adradziŭ techniku staražytnavizantyjskaj pieraharodkavaj emali XII stahodździa.
Fota z asabistaha sajta nikolaikuzmich.by
Naradziŭsia Mikałaj Kuźmič u 1950 hodzie ŭ vioscy Patryki na Kobrynščynie, mastackuju adukacyju atrymaŭ u vučyliščy imia Hlebava. Nad adnaŭleńniem biełaruskaj słavutaści — Kryža Jeŭfrasińni Połackaj — pracavaŭ ažno 4 hady (1993—1997). Prajekt byŭ składany, kryž adnaŭlaŭsia pa fotaniehatyvach i malunkach, dla vyrabu daviałosia adradzić zabytuju techniku pieraharodčataj staražytnavizantyjskaj emali. U pačatku 2000-ch pracavaŭ nad adnaŭleńniem raki dla zachavańnia moščaŭ Jeŭfrasińni Połackaj.
Fota z asabistaha sajta nikolaikuzmich.by
Jaho tvory znachodziacca ŭ muziejach, halerejach i pryvatnych kalekcyjach Biełarusi, u Rasijskim muziei dekaratyŭna-prykładnoha mastactva ŭ Maskvie, u Hiermanii (Koburh), municypalnym muziei Ispanii.
Majstar žyvie ŭ Breście, letaś jaho pryznali hanarovym žycharom hetaha horada.
Mastak emacyjna adreahavaŭ na padziei apošnich miesiacaŭ u Biełarusi:
— Bieź śloz niemahčyma heta skazać. Ja mirny čałaviek, ja mastak. Usio majo žyćcio prajšło ŭ majsterni. Ale nikudy tut nie dziecca. Ślozy, kryŭda, horyč. I radaść za našych maładych ludziej. Ja radujusia. Heta naša budučynia. Ja redka chadžu na mitynhi. Ja davoli nie aktyŭny čałaviek. Ale niadaŭna byŭ na mitynhu i mianie napaŭniała hordaść za maładych ludziej. Ich nichto nie kupiŭ. Što tut kazać. Śvietłyja, vydatnyja ludzi. Možna tolki pažadać śvietłaha, dobraha žyćcia. Daj Boh im zdaroŭja i mira, kab ich nichto nie hvałciŭ, nichto nie zabivaŭ. Ščaścia našaj krainie Biełarusi.
