Uładalnik Menu.by staŭ ministram ekanomiki Armienii. Miesiac tamu jon byŭ dobraachvotnikam na froncie
Zasnavalnik biełaruskaha servisu dastaŭki ježy Menu.by Vahan Kierabian pryznačany ministram ekanomiki Armienii.
Adpaviedny ŭkaz padpisaŭ prezident Armienii Armien Sarkisian.
Padčas žyćcia ŭ Biełarusi armianski biznesmien byŭ sponsaram kursaŭ «Mova Nanova»
«U hety ciažki momant ja hatovy słužyć svajoj radzimie i biznesu. Ja spadziajusia, što biznes-supolnaść i ŭsia ekanomika chutka adčujuć kłopat i chutkaść majoj kamandy», — napisaŭ Vahan Kierabian u fejsbuku.
Vahan Kierabian ź siamjoj
Paśla pačatku vajny za Nahorny Karabach Kierabian adpraviŭsia dobraachvotnikam na front. «Tak atrymałasia, što svoj dzień naradžeńnia ja sustreŭ na pieradavoj, abaraniajučy niezaležnaść i isnavańnie lubimaj Radzimy. Ab lepšym padarunku i maryć nie moh. Viadoma, my pieramožam», — pisaŭ jon miesiac tamu. Armienija prajhrała, ale biznesmien atrymaŭ prapanovu stać čynoŭnikam.
