«Mis Biełarusi» dali jašče 15 sutak aryštu
Mis Biełaruś — 2008 i eks-pres-sakrataru bresckaha «Dynama» Volzie Chižynkovaj dali jašče 15 sutak aryštu za ŭdzieł u «niesankcyjanavanym masavym mierapryjemstvie», paviedamlaje Tut.by.
Siońnia prajšoŭ sud užo pa trecim epizodzie ŭdziełu Volhi ŭ akcyjach pratestu — abvinavačvańnie hruntavałasia na fatahrafii ŭ Instagram i videazdymcy za 25 kastryčnika.
Sud prysudziŭ Volzie jašče 15 sutak aryštu. Adnak heta pakarańnie, jak raspaviała jaje advakat, nie budzie sumavacca z papiarednimi. Tamu adlik pačnuć z 26 listapada, a vyjści pa im jana pavinna 11 śniežnia.
Užo trojčy Volha była asudžanaja, nie pakidajučy izalatar.
Takim čynam, u źniavoleńni Volha Chižynkova praviadzie bolš za miesiac.
Paśla vybaraŭ Volha Chižynkova nieadnarazova vykazvała svajo mierkavańnie pra situacyju ŭ Biełarusi i vystupała suprać hvałtu. U vieraśni Volha Chižynkova straciła pracu ŭ Nacyjanalnaj škole pryhažości z-za aktyŭnaj hramadzianskaj pazicyi.
