Znajści
Ałharytmičny łacinski varyjant
26.11.2020 / 12:20RusŁacBieł

Za nadpis u padjeździe načalnika minskaha AMAPa Bałaby studenta asudzili na paŭtara hoda «chimii»

U sudzie Frunzienskaha rajona razhledzieli kryminalnuju spravu ŭ dačynieńni da studenta. Chłopiec napisaŭ na stendzie padjezda pa vulicy Skrypnikava abraźlivyja nadpisy, «jakija źmiaščali niehatyŭnuju acenku» kamandzira staličnaha AMAPa Dźmitryja Bałaby. Siońnia sud vynies rašeńnie, paviedamlaje Tut.by.

19-hadovaha studenta staličnaj VNU Illu abvinavačvali pavodle art. 369 KK — «Abraza pradstaŭnika ŭłady».

Sudździa Andrej Mlečka vyrašyŭ pryznać studenta vinavatym u publičnaj abrazie pradstaŭnika ŭłady ŭ suviazi z vykanańniem im słužbovych abaviazkaŭ. Illi pryznačyli pakarańnie ŭ vyhladzie abmiežavańnia voli na termin 1 hod 6 miesiacaŭ z nakiravańniem u vypraŭlenčuju ŭstanovu adkrytaha typu.

Pazoŭ Bałaby na 1000 rubloŭ zadavolili.

***

Nahadajem, 26 vieraśnia student Illa sustreŭsia ź siabrami, jany vyrašyli pahladzieć, što adbyvajecca ŭ dvary na Skrypnikava: tam źjavilisia nadpisy na fasadzie doma, dzie žyvie kamandzir staličnaha AMAPa Dźmitryj Bałaba, a jašče chtości paškodziŭ jaho mašynu.

Illa vyrašyŭ «pakinuć svajo pasłańnie» na abjavie, jakaja visieła na infarmacyjnym stendzie kala padjezda.

Na sudzie začytali pakazańni Bałaby, pavodle jaho słoŭ, jon navat nie zaŭvažyŭ nadpis, dadomu jamu patelefanavali supracoŭniki milicyi i ŭsio raspaviali, chłopcaŭ da taho momantu zatrymali. Paśla jany praviali noč u RUUS i adsiedzieli 15 sutak — chłopcam pastavili artykuł 23.4.

U RUUS chłopcy paprasili prabačeńnia publična, na sudzie Illa skazaŭ, što raskajvajecca, vinu pryznaje i abiacaje, što takoha bolš nie paŭtorycca.

Praź dziaržabvinavaŭcu Bałaba vysunuŭ hramadzianski pazoŭ: nadpisy nanieśli jamu maralnyja pakuty, parušyli jaho asabistyja niemajomasnyja pravy, u suviazi z čym jon prasiŭ pakryć jamu škodu ŭ vyhladzie tysiačy rubloŭ.

Maja Kachno, Tut.by

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031