Z 1 śniežnia biełaruskija IT-śpiecyjalisty i daktary zmohuć pracavać u Polščy biez dazvołu na pracu
Z 1 śniežnia biełarusy, jakija pryjazdžajuć u Polšču na padstavie hetak zvanaj humanitarnaj vizy, a taksama IT-śpiecyjalisty i lekary nie buduć vymušanyja źviartacca pa dazvoł na pracu, paviedamlaje Polskaje radyjo.
1 śniežnia pavinny ŭstupić u siłu novyja praviły, jakija vyzvalajuć ad hetaha abaviazku biełarusaŭ, jakija pražyvajuć u Polščy na padstavie humanitarnaj vizy, a taksama lekaraŭ, IT-śpiecyjalistaŭ, jakija pryjazdžajuć u krainu ŭ ramkach prahramy Poland Business Harbour.
Z pačatku śniežnia taksama ŭstupajuć u siłu źmieny ŭ zakon ab zamiežnikach, jakija admianiajuć zabaronu na pracu dla inšaziemcaŭ z hetak zvanaj humanitarnaj vizaj.
Apošni čas biełarusy achvotna karystalisia humanitarnymi vizami. Pavodle danych Ministerstva raźvićcia, da kanca kastryčnika hetaha hoda hramadzianam Biełarusi było vydadziena kala 1,9 tysiačy takich viz.
