«Hazpram» budzie prasić Łukašenku praciahnuć budaŭnictva «Hazpram-centra» da kanca 2024. A zdać mielisia sioleta
Jak viadoma «Našaj Nivie», dačynnaja kampanija «Hazprama» «Hazpram transhaz Biełaruś», jakaja zajmajecca ŭźviadzieńniem «Hazpram-centra» na miescy zrujnavanaha aŭtavakzała «Maskoŭski», krytyčna nie ŭkładajecca ŭ terminy pabudovy, akreślenyja ŭkazam Łukašenki — 31.12.2020.
Farmalnaja pryčyna — prablemy z hruntami, jakija vyjavilisia nie adrazu i zapatrabavali vialikaj kolkaści ekśpiertyz.
Z 2013 hoda, faktyčna, skončany tolki fundamient.
Jak nam viadoma, pa hetaj pryčynie dyrekcyja «Hazpram transhaz Biełaruś» źviartajecca da svajho maskoŭskaha kiraŭnictva, kab toje paprasiła Łukašenku dać jašče 4 hady na zaviaršeńnie budoŭli.
«Hazpram-centr» — mierkavany ofisny centr, vyšynioj 189 mietraŭ. Dla jaho pabudovy ŭ statusnym miescy, nasuprać Nacyjanalnaj biblijateki, źnieśli aŭtavakzał.
