Kiraŭnik MZS Vialikabrytanii zapatrabavaŭ vyzvalić biełaruskich žurnalistaŭ
Ministr zamiežnych spraŭ Vialikabrytanii Daminik Raab zaklikaŭ nieadkładna vyzvalić źniavolenych u Biełarusi žurnalistaŭ. Pra heta palityk napisaŭ u Twitter.
I call for the immediate release of all journalists arbitrarily imprisoned in #Belarus, & for charges against them to be dropped. This is a cowardly attempt by Lukashenko's regime to silence dissent & stop the reporting of #humanrights violations against the Belarusian people.
Kiraŭnik MZS zaklikaŭ taksama źniać z žurnalistaŭ usie abvinavačvańni. Jon nazvaŭ zatrymańni žurnalistaŭ bajaźlivaj sprobaj prymusić zamaŭčać inšadumstva i spynić repartažy ab parušeńniach pravoŭ čałavieka ŭ Biełarusi.
Siońnia ŭ Biełarusi za kratami pa administracyjnych abo kryminalnych spravach znachodziacca 12 žurnalistaŭ: heta žurnalistka TUT.BY Kaciaryna Barysievič, žurnalistka TUT.BY i «Novaha Času» Alaksandra Kvitkievič, žurnalistki «Biełsata» Kaciaryna Andrejeva i Darja Čulcova, žurnalisty BiełaPAN Maksim Łaŭrecki, Julija Kockaja, Andrej Šaŭluha, Andrej Rabčyk, žurnalisty Aleh Hruździłovič, Ihar Karniej, Maryna Kastylančanka i Kaciaryna Miadźviedzieva.