Cichanoŭskaja trapiła ŭ śpis 100 najbolš natchnialnych i ŭpłyvovych žančyn śvietu
Fota z telehram-kanała Śviatłany Cichanoŭskaj
Brytanskaja karparacyja Bi-bi-si apublikavała svoj štohadovy śpis najbolš natchnialnych i ŭpłyvovych žančyn śvietu.
U śpisie za 2020 hod jość Śviatłana Cichanoŭskaja.
«Śviatłana Cichanoŭskaja — byłaja kandydatka ŭ prezidenty Biełarusi, dzie jana ŭznačaliła nacyjanalna-demakratyčny ruch. U žniŭni 2020 hoda Alaksandr Łukašenka zajaviŭ pra pierakanaŭčuju pieramohu na vybarach, vyklikaŭšy pratesty pa ŭsioj krainie na fonie pašyranych abvinavačańniaŭ u falsifikacyi hałasavańnia. U chutkim časie paśla vybaraŭ, bajučysia za biaśpieku svaich dziaciej, Cichanoŭskaja źjechała ź Biełarusi ŭ Litvu. Jana praciahvaje ŭznačalvać demakratyčny ruch u vyhnańni».
«Nikoli, ni na imhnieńnie, nie viercie nikomu, chto kaža, što vy słabyja. My časta nie razumiejem, jakija my mocnyja», — cytuje Bi-bi-si Śviatłanu Cichanoŭskuju.
Fota Śviatłany trapiła na zastaŭku da artykuła Bi-bi-si, razam z fota premjera Finlandyi Sany Maryn (druhaja źleva), Bi-bi-si.
