Vykładčycu BDUIR zatrymali, kali hulała z sabakam i zrabiła zaŭvahu siłavikam
22 listapada była zatrymanaja ŭ Minsku staršy vykładčyk kafiedry inžyniernaj psichałohii i erhanomiki BDUIR Julija Paškoŭskaja, paviedamlaje dev.by sa spasyłkaj na telehram-kanał Mirny BDUIR.
Vykładčycu zatrymali ŭ dvary ŭłasnaha doma, kali jana vyhulvała sabaku i išła ź siabroŭkaj da susiedniaha doma, kab sustreć dzicia. Julija Paškoŭskaja vykazałasia nakont taho, što dzieci bajacca samastojna iści dadomu, kali pa dvary biehajuć «kasmanaŭty». U vyniku jaje zatrymali razam z sabakam i pavieźli spačatku ŭ Pieršamajski RUU, a potym na Akreścina.
Julija Paškoŭskaja — adna z udzielnic strajku supracoŭnikaŭ BDUIR. Taksama jana była adnoj ź videazvarotaŭ da biełarusaŭ z zaklikam pastupać pa sumleńni.
Heta nie pieršaje zatrymańnie vykładčykaŭ BDUIR za apošni čas.