Pinievič: Rasijskuju vakcynu ad karanavirusa ŭ Biełarusi pačnuć vyrablać užo sioleta
Pieršaja partyja rasijskaj vakcyny «Sputnik V» budzie vyrablenaja ŭ łabaratornych umovach u Biełarusi ŭžo sioleta. Pra heta ŭ niadzielu zajaviŭ v.a. ministra achovy zdaroŭja Dźmitryj Pinievič na telekanale «Biełaruś-1».
Pinievič ličyć, što vypusk vakcyny ŭ pramysłovych maštabach startuje ŭ 2021 hodzie. «Heta budzie maksimalna chutka dla taho, kab užo pačynać vakcynacyju, — dadaŭ jon. — Ja padkreślu: resursy ŭžo zareziervavanyja, jany dla nas vyznačanyja, i ŭ lubym vypadku vakcynacyja budzie praviedziena».
Biełaruś stała pieršaj zamiežnaj krainaj,u jakoj startavali kliničnyja daśledavańni vakcyny «Sputnik V» paśla jaje rehistracyi ŭ Rasii. Kliničnyja daśledavańni projduć u vaśmi miedycynskich ustanovach krainy, vybranych u jakaści daśledčych centraŭ.
Arhanizavać u Biełarusi vytvorčaść rasijskaj vakcyny ad karanavirusa prapanavaŭ Łukašenka ŭ telefonnaj razmovie z Pucinym 4 listapada.
