SAAZ papiaredziła pra pahrozu treciaj chvali COVID-19 u Jeŭropie
Śpiecyjalny pasłańnik Suśvietnaj arhanizacyi achovy zdaroŭja Devid Nabara ŭ intervju vydańniam šviejcarskaj miedyjakampanii CH Media papiaredziŭ ab niebiaśpiecy treciaj chvali karanavirusa ŭ Jeŭropie ŭ pačatku 2021 hoda.
Pa słovach Nabara, jeŭrapiejskija krainy nie zdoleli praduchilić druhuju chvalu karanavirusa, paśla taho jak im udałosia ŭziać pad kantrol pieršuju.
«Jeŭrapiejskaja reakcyja była niapoŭnaj. Jany vypuścili mahčymaść pabudavać nieabchodnuju infrastrukturu ŭ letnija miesiacy, paśla taho jak uziali pad kantrol pieršuju chvalu. A zaraz u ich druhaja chvala. Kali jany nie pabudujuć nieabchodnuju infrastrukturu ciapier, u ich budzie treciaja chvala ŭ pačatku nastupnaha hoda», — skazaŭ Nabara.
Kažučy pra krainy Uschodniaj Azii, Nabara adznačyŭ, što tut situacyja z karanavirusam idzie lepš z-za «vielmi vyraznaj kamunikacyi» pamiž uładami i nasielnictvam.
