Pandemija karanavirusa moža spravakavać uspyšku adru ŭ dziaciej
Adnym ź niehatyŭnych nastupstvaŭ pandemii karanavirusa ŭ śviecie moža stać ŭspyška adru. Da takoj vysnovy pryjšli navukoŭcy z aŭstralijskaha dziciačaha navukova-daśledčaha instytuta Mierdoka ŭ Mielburnie, piša TASS.
«Navukoŭcy miarkujuć, što prapuščanyja ŭ suviazi z pašyreńniem karanavirusa ŭ śviecie i źviazanymi z hetym abmiežavalnymi mierami vakcynacyi dziaciej suprać adru mohuć vyklikać uspyški hetaha praźmierna kantahijoznaha virusnaha zachvorvańnia, — zajaviŭ viadučy aŭtar daśledavańnia, kiraŭnik hrupy SAGE, prafiesar Instytuta Kim Małchołłand. —
Niepryščeplenyja dzieci — heta amal stoadsotkavaja vierahodnaść epidemii adru ŭ nastupnym hodzie».
Prafiesar udakładniŭ, što minuły hod byŭ adnym z «cichich» u adnosinach da adru, u asnoŭnym z-za pryniatych mier izalacyi, rezkaha źnižeńnia mabilnaści nasielnictva.
Adnym sa spryjalnych faktaraŭ dla ŭspyški adru daśledčyki nazyvajuć rost uzroŭniu biednaści z-za źnižeńnia ekanamičnaj aktyŭnaści, a taksama skaračeńnia sacyjalnaj dapamohi ŭ mnohich krainach, jakija raźvivajucca. Tam, dzie nazirajucca niedajadańnie i niedastatkovaja miedycynskaja dapamoha dzieciam, mahutnaja epidemija adru niepaźbiežnaja, udakładniaje prafiesar.
«U takich vypadkach nazirajecca zahannaje koła, kali chvarejuć na adzior dzieci, što niedajadajuć, albo pa ekanamičnych pryčynach, albo z-za fizičnaj słabaści, — udakładniaje Małchołłand. — Niedajadańnie naroŭni z pryhniečanym imunitetam istotna źnižaje vierahodnaść vyzdaraŭleńnia, a deficyt vitaminu A moža pryvieści da ślepaty».
«Dramatyčnaść situacyi zaklučajecca ŭ tym, što ŭsie siły byli kinutyja na baraćbu z kavidam, što niehatyŭna paŭpłyvała na adpracavanuju hadami praceduru vakcynacyi dziaciej ad inšych niebiaśpiečnych infiekcyjnych zachvorvańniaŭ, — zaŭvažyŭ prafiesar. — Pavodle SAAZ, kala 94 młn dziaciej prapuścili płanavuju vakcynacyju z-za adkładzienych pracedur imunizacyi».
«Usio pieraličanaje daje padstavu mierkavać, što ŭ nastupnym hodzie adzior i adrovaja krasnucha mohuć dasiahnuć razmachu epidemij, pra jakija ciapier pamiatajuć tolki staryja daktary, — dadaje navukoviec. — I heta niahledziačy na toje, što śpiecyjalisty dahetul vałodajuć usim nieabchodnym instrumientaryjem dla prafiłaktyki chvaroby».
