Nazvany prykładny košt amierykanskaj vakcyny ad karanavirusa dla Jeŭropy
Prykładny košt vakcyny ad karanavirusa, raspracavanaj amierykanskaj kampanijaj Pfizer i niamieckaj BioNTech, składzie 15,5 jeŭra (siońnia heta kala 47 rubloŭ) za dozu.
Košt nazvaŭ čynoŭnik ES, jaki ŭdzielničaŭ u pieramovach ab pastaŭkach, paviedamlaje Reuters.
Žurnalisty ahienctva padličyli, što košt 300 miljonaŭ doz, ab płanach kupić jakija zajaŭlała kiraŭnica Jeŭrapiejskaj kamisii Ursuła fon der Lajien, składzie 4,6 miljarda jeŭra. Pradstaŭnik JEK kamientavać umovy kantraktaŭ admoviŭsia, Biotech taksama nie kamientuje infarmacyju.
Raniej paviedamlałasia, što ŭ Biełarusi buduć pryščaplać rasijskaj vakcynaj.
Siońnia v. a. ministra achovy zdaroŭja Dźmitryj Pinievič skazaŭ nastupnaje: «My budziem pačynać pryščaplać vakcynaj ad COVID-19, pačynajučy ź nievialikich hrup nasielnictva. Naohuł, my płanujem achop da 2 młn čałaviek».
