Syn Šakucina ŭznačaliŭ kampaniju ŭ Rasii
Syn viadomaha biełaruskaha biznesmiena, staršyni savieta dyrektaraŭ chołdynha «Amkador» Alaksandra Šakucina ŭznačaliŭ rasijskuju kampaniju «Amkador-Anieha». Heta vynikaje ź infarmacyi na sajcie biełaruskaha vytvorcy śpiectechniki i rasijskaha rejestra jurydyčnych asob, źviarnuŭ uvahu Tut.by.
Fota Dźmitryja Bruško
Alaksandr Šakucin-małodšy źmianiŭ na pasadzie kiraŭnika «Amkador-Anieha» Siarhieja Hajciukieviča.
U 2018 hodzie «Amkador» nabyŭ majomaść Aniežskaha traktarnaha zavoda, jaki znachodziŭsia ŭ pracedury bankructva, u Pietrazavodsku i stvaryŭ na jaho bazie kampaniju «Amkador-Anieha». Pry padtrymcy miascovych i fiederalnych uładaŭ Šakuciny płanujuć madernizavać zavod u Karelii i naładzić vytvorčaść mašyn dla lesapramysłovaha kompleksu. Pieršyja adzinki lesanarychtoŭčaj techniki syšli z kanviejera «Amkador-Anieha» ŭ sakaviku hetaha hoda.
