Hienprakuratura: Siamja nie choča zabirać cieła Ramana Bandarenki
vk.com
«Ranicaj 16 listapada ŭ Hienieralnaj prakuratury maci Ramana Bandarenki paviedamili pra nakiravańnie i najaŭnaść u Dziaržkamitecie sudovych ekśpiertyz dazvołu na vydaču cieła syna», — havorycca ŭ zajavie prakuratury.
«16 listapada na internet-resursach aktyŭna raspaŭsiudžvałasia infarmacyja ab tym, što baćkam nie addajuć cieła Ramana Bandarenki, pamierłaha 12 listapada. Z hetaj nahody maci 16 listapada nibyta dvojčy biespaśpiachova źviartałasia ŭ Hienieralnuju prakuraturu, — paviedamlaje ŭ svaim telehram-kanale Hienprakuratura. — Pieradusim vykazvajem spačuvańnie rodnym i blizkim u suviazi z horam, što napatkała siamju. Paviedamlajem, što Hienieralnaja prakuratura ŭ adpaviednaści z daručeńniem prezidenta Respubliki Biełaruś pravodzić pravierku abstavin śmierci hetaha hramadzianina.
U suviazi z zaviaršeńniem šerahu pieršapačatkovych ekśpiertnych daśledavańniaŭ ranicaj 16 listapada ŭ Hienieralnaj prakuratury maci Ramana Bandarenki paviedamili ab nakiravańni i najaŭnaści ŭ Dziaržkamitecie sudovych ekśpiertyz dazvołu na vydaču cieła syna. Paźniej pradstaŭniki Hienprakuratury i Dziaržkamiteta nieadnarazova prapanoŭvali zabrać cieła syna dla pachavańnia i akazać dapamohu ŭ arhanizacyi pachavańnia. Da ciapierašniaha času svajaki pamierłaha nie chočuć zabrać cieła Ramana Bandarenki».
