Łukašenka na naradzie zakranuŭ pytańnie darožnaha zboru
BiełTA
Na naradzie ŭ Łukašenki abmiarkoŭvajecca ŭdaskanaleńnie źbirańnia płaty za dopusk da darožnaha ruchu, piša BiełTA.
Łukašenka. u pryvatnaści, nahadaŭ, što meta źbirańnia dziaržaŭnaj pošliny za dopusk transpartnych srodkaŭ da darožnaha ruchu — pryciahnuć usich karystalnikaŭ daroh da finansavańnia ich utrymańnia. Ahulnaja praciahłaść darožnaj sietki ŭ Biełarusi dasiahaje amal 90 tys. km, a ščylnaść — adna z samych vysokich na prastory SND.
«Darečy, za apošnija 10 hadoŭ na ramont i ŭtrymańnie daroh my ŭbuchali kala 10 miljardaŭ rubloŭ, — zaŭvažyŭ Łukašenka. — Ale, u adroźnieńnie ad susiednich krain, navat najbujniejšyja chutkasnyja mahistrali my nie zrabili płatnymi dla biełaruskich lehkavych aŭtamabilaŭ».
U Biełarusi zarehistravana bolš za 4,5 młn transpartnych srodkaŭ. Jak adznačyŭ Łukašenka, u stvoranych umovach aŭtamabilisty vydatna razumiejuć: kab jeździć pa dobrych darohach, patrebnyja hrošy na ich utrymańnie. «Jak vy mnie dakładvajecie, vyvučeńnie hramadskaj dumki taksama paćviardžaje, što nieabchodnaść udziełu ŭ sufinansavańni ramontu i budaŭnictva daroh sprečak nie vyklikaje. Ich vyklikaje sam miechanizm vypłaty».
Darožny zbor dziejničaje ŭ krainie z 2014 hoda. Pavodle słoŭ Łukašenki, ludzi ličać, što charaktar źbirańnia hetaj pošliny nie ŭličvaje intensiŭnaść vykarystańnia transpartnaha srodku, a značyć, i častatu ekspłuatacyi daroh. Inšymi słovami, adnolkava płacić i toj, chto namotvaje dziasiatki tysiač kiłamietraŭ u hod, i piensijanier, jaki ŭ siezon raz u tydzień jeździć na lecišča.
