Prajeŭrapiejski kandydat Maja Sandu pieramahła na vybarach prezidenta Małdovy
Maja Sandu pieramahaje na vybarach prezidenta Małdovy, nabraŭšy 56,91% hałasoŭ paśla apracoŭki 99% pratakołaŭ, u jaje supiernika Ihara Dadona — 43,09%. Pra heta śviedčać źviestki, apublikavanyja ŭ noč na paniadziełak na sajcie CVK, piša TASS.
Pavodle apošniaj infarmacyi, Sandu padtrymali bolš za 910 tysiač hramadzian Małdovy, Dadona — bolš za 689 tysiač.
Centrvybarkamu zastajecca tolki apracavać pratakoły prykładna z 20 zamiežnych učastkaŭ. Usie biuleteni ŭnutry krainy padličanyja. Pa źviestkach CVK, Sandu padtrymali zvyš 92% hramadzian Małdovy, što prahałasavali za miažoj.
U krainie 15 listapada prajšoŭ druhi tur prezidenckich vybaraŭ, u jakim uziali ŭdzieł lidar prajeŭrapiejskaj Partyi dziejańnia i salidarnaści Sandu i dziejny kiraŭnik dziaržavy Dadon. Pavodle apošnich źviestak CVK, jaŭka skłała 52,76%.
