Ad raku pamior futbolny śpiecyjalist Vital Krupica. Jamu było 39 hadoŭ
abff.by
Siońnia nočču nie stała Vitala Krupicy. Pryčyna — rak. Jamu było 39 hadoŭ, paviedamlaje Biełaruskaja fiederacyja futboła.
Vital byŭ eks-načalnikam adździeła masavaha futboła BFF, apošnim časam pracavaŭ u ofisie JUNISIEF u Biełarusi.
Uvohule jaho žyćcio było źviazanaje z futbołam. Vyklikaŭsia ŭ junackuju zbornuju Biełarusi i vystupaŭ za futbolny kłub «Masty». Zatym jon pryśviaciŭ siabie plažnamu futbołu. Na praciahu doŭhich hadoŭ kiravaŭ adździaleńniem hetaha vidu hulni barysaŭskaha BATE, z pośpiecham vystupaŭ za kamandu «žoŭta-sinich», ź jakoj vyjhraŭ šerah trafiejaŭ. Vital abaraniaŭ kolery nacyjanalnaj zbornaj Biełarusi pa plažnym futbole. Potym pryśviaciŭ siabie masavamu futbołu.
Šmat u čym dziakujučy aktyŭnaści Vitala u 2019 hodzie ŭ Minsku adbyłasia čarhovaja kanfierencyja UEFA pa masavym futbole, u jakoj pryniali ŭdzieł pradstaŭniki ŭsich futbolnych asacyjacyj kantynienta, a taksama hości ź inšych kanfiederacyj, paviedamlaje BFF.
Zastalisia žonka i troje dziaciej.
