BDU zvalniaje viadomaha vykładčyka kafiedry kłasičnaj fiłałohii Jahora Prystaŭku
Pra heta navukoŭca paviedamiŭ na svajoj staroncy ŭ fejbuku.
Niadaŭna Jahor Prystaŭka vystupaŭ u padtrymku zatrymanaj vykładčycy MDŁU Natalli Dulinaj, fota z sacsietak.
Jahor Prystaŭka z adznakaj skončyŭ adździaleńnie kłasičnaj fiłałohii BDU ŭ 2003 hodzie, paśpiachova vučyŭsia ŭ aśpirantury BDU, a ŭ 2009 hodzie abaraniŭ kandydackuju dysiertacyju.
Jon 15 hod vykładaŭ staražytnyja movy i antyčnuju litaraturu na fiłałahičnym, histaryčnym, jurydyčnym, chimičnym, bijałahičnym fakultetach, FFSN i Instytucie teałohii — i zaŭsiody pa-biełarusku.
Dacent Jahor Prystaŭka adziny, chto čytaje lekcyjny kurs pa łacinamoŭnaj litaratury Biełarusi studentam śpiecyjalnaści «kłasičnaja fiłałohija».
Toje, što kantrakt razryvajuć siarod navučalnaha hoda, śviedčyć, što rašeńnie palityčna matyvavanaje. Dacent ličyć, što heta źviazana ź jaho aktyŭnaj hramadzianskaj pazicyjaj. Jon byŭ siarod bolš čym 50 vykładčykaŭ i supracoŭnikaŭ VNU, jakija zapisali videazvarot ab situacyi va ŭniviersitetach.
