U Hrodzienskim dramteatry źjaviŭsia novy režysior-pastanoŭščyk
t.me/kulturagrodno
U Hrodzienskim abłasnym dramatyčnym teatry novy režysior-pastanoŭščyk — Siarhiej Jaskievič. Jon pracavaŭ u Homielskim abłasnym dramatyčnym teatry, Mazyrskim dramatyčnym imia Mieleža, Słonimskim teatry, paviedamlaje hrodna.life.
Siarhiej skončyŭ Biełaruski dziaržaŭny ŭniviersitet kultury i mastactvaŭ u majsterni Madesta Abramava i Biełaruskuju dziaržaŭnuju akademiju mastactvaŭ u prafiesara H. I. Baravika. Mahistr mastactvaznaŭstva.
Pastaviŭ bolš za 20 śpiektaklaŭ pa pjesach suśvietnych, rasijskich, biełaruskich dramaturhaŭ i sučasnych aŭtaraŭ, siarod jakich «Kachańnie pad viazami» O'Niła, «Brama nieŭmiručaści» K. Krapivy, «Bahatyja niaviesty» A. Astroŭskaha, «Dom Biernardy Alby» F. H. Łorki.
***
U kancy kastryčnika z teatra ŭ Hrodnie byli zvolnienyja hałoŭny režysior Hienadź Mušpiert i režysior-pastanoŭščyk, zasłužany artyst Siarhiej Kurylenka. Raniej jany abviaścili pra strajk. Častka trupy taksama zajaviła ab dałučeńni da strajku. Zatym zvolnili jašče niekalkich akcioraŭ.
