Kaviarniu, u jakoj raźbiŭ vitrynu Karpiankoŭ, aštrafavali na 6210 rubloŭ
Fota Onliner.by
Minskaja kaviarnia O'petit, jakaja stała šyroka viadomaja paśla taho, jak 6 vieraśnia padčas akcyi pratestu milicyja raźbiła ich šklanyja dźviery, aštrafavanaja na 230 bazavych (6210 rubloŭ) pavodle pastanovy MNS. Pra heta ŭstanova paviedamiła ŭ siabie ŭ Instagram.
Jak i mnohija inšyja staličnyja ŭstanovy, kaviarnia O'petit na praśpiekcie Pieramožcaŭ, 3 nie pracavała 26 kastryčnika. Spačatku siudy z pravierkami pryjšła sanstancyja, paśla čaho kaviarnia časova nie pracavała, śledam vizit nanios MNS. Zaraz pa rašeńni viedamstva chłopcam treba vypłacić štraf u 230 bazavych (6210 rubloŭ).
— Chłopatnaje siońnia dzielca — pryvatny biźnies, — pišuć u sacsietcy pradstaŭniki O'Petit. — Zamiest taho kab radavać vas smačnaj kavaj i śviežymi kruasanami, voś užo druhi tydzień my biehajem pa instancyjach, vypraŭlajučy raptoŭnyja niedachopy. I heta ŭličvajučy toje, što adkrytyja my krychu bolš za paŭhoda i ŭsie hetyja instancyi prajšli sioleta, ale, vidać, my na dobrym rachunku. I bonusam nam, jak i ŭsim «abranym», chto nie pracavaŭ 26 kastryčnika, prylacieŭ štraf ad MNS u 230 bazavych.
Va ŭstanovie paviedamlajuć, što nie sumujuć i praciahvajuć pracavać va ŭsiu moc. Kamanda źbirajecca asprečyć štraf i pasprabuje źviarnucca ŭ fondy. Padtrymka haściej, kažuć u kaviarni, ciapier vielmi važnaja dla ich.