«Kab nie kulacca viasnoj»: Łukašenka abmiarkoŭvaje prablemy ahrarnaha siektara
BiełTA
Alaksandr Łukašenka pryniaŭ siońnia z dakładam ministra sielskaj haspadarki i charčavańnia Ivana Krupko i namieśnika premjer-ministra Alaksandra Subocina, paviedamlaje BiełTA.
Najpierš Łukašenka zakranuŭ pytańni zaviaršeńnia ŭboračnaj kampanii. Jon padkreśliŭ, što jaje treba skončyć na praciahu niekalkich dzion, a zatym svoječasova pieraarać pali i pa maksimumie padniać ziabliva, kab nie «kulacca viasnoj».
«Jak my i damaŭlalisia, da 15 listapada ŭsie raboty pa ŭborcy ŭradžaju treba skončyć. Kali zastanucca niejkija chvasty pa kukuruznym zbožžy abo cukrovych burakach, to pažadana 15-ha zaviaršyć uborku hetych kultur, — skazaŭ Alaksandr Łukašenka. — My vielmi niadrenna spracavali sioleta i svoječasova prybrali asnoŭnyja kultury».
Jon pacikaviŭsia vynikami pracy ahrarnaha siektara za hod, finansavymi pakazčykami sielskahaspadarčych pradpryjemstvaŭ.
«Ja razumieju, što vielmi navat niaprosta. Siału zaŭsiody było niaprosta, i za miažoj akazvajecca surjoznaja padtrymka sielhaspradpryjemstvam, fiermieram. My taksama, nakolki možam, padtrymlivajem sielskuju haspadarku. Ale jak u nas iduć spravy ź finansami? Tyja kredyty, jakija brała siało, treba viartać. Tym bolš što takaja mahčymaść siońnia jość — raźličycca z bankami, biudžetam pa daŭhach», — zajaviŭ Łukašenka.