Šachmatnuju alimpijadu zamiest Biełarusi moža pryniać Rasija
Suśvietnaja šachmatnaja Alimpijada — 2022 moža adbycca ŭ Rasii, paviedamiŭ TASS prezident Mižnarodnaj šachmatnaj fiederacyi (FIDE) Arkadź Dvarkovič.
«Biełaruś admoviłasia ad praviadzieńnia šachmatnaj Alimpijady ŭ 2022 hodzie, u asnoŭnym ź finansavych mierkavańniaŭ, i my ciapier abmiarkoŭvajem, moža, praściej budzie ŭ 2022 hodzie pravieści jaje ŭ Maskvie», — skazaŭ jon.
Suśvietnaja šachmatnaja alimpijada — kamandny turnir dla zbornych, jakija źjaŭlajucca čalcami FIDE. Upieršyniu turnir byŭ praviedzieny ŭ 1927 hodzie ŭ Łondanie. Ad 1950 hoda spabornictvy pravodziacca ŭ farmacie dvuchhadovaha cykła. Apošniaja Alimpijada ŭ 2018 hodzie prajšła ŭ Hruzii, płanavałasia, što ŭ 2020 hodzie turnir prymie Rasija, a ŭ 2022 hodzie — Biełaruś. Paźniej rasijski turnir byŭ adkładzieny na 2021 hod z-za pieranosu Alimpijskich hulniaŭ u Tokia, a Biełaruś ad praviadzieńnia suśvietnaj šachmatnaj Alimpijady admoviłasia.
Jak paviedamlałasia raniej, Biełaruś u 2018-m atrymała prava na praviadzieńnie Suśvietnaj šachmatnaj alimpijady. Adnak 4 kastryčnika 2020 stała viadoma, što naša kraina pazbaŭlena prava na praviadzieńnie alimpijady ŭ 2022 hodzie, bo parušyła finansavyja abaviazacielstvy — Minsportu nie zmahło dać nieabchodnyja avansavyja płaciažy i strachoŭku.
