Hałoŭny infiekcyjanist Minska dałučyŭsia da Kaardynacyjnaj rady
«Ja dałučyŭsia da Kaardynacyjnaj rady, bo liču, što ŭ ciapierašni momant u Respublicy Biełaruś nazirajecca kryzis hramadskaha davieru da dziejučych orhanaŭ ułady, — cytuje Mikitu Sałaŭja telehram-kanał «Biełyja chałaty». — Dadzieny kryzis, u spałučeńni z prablemaj pandemii COVID-19, istotna adbivajecca na stanie hramadzianskaj supolnaści, ekanomiki, sistemy achovy zdaroŭja, adukacyi i inšych śfierach našaha žyćcia.
Eskałacyja hvałtu i źnievažańnie bazisnych pravoŭ čałavieka pryvodziać da ŭsio bolšaha raskołu ŭ biełaruskim hramadstvie. Maja meta — dapamahčy Respublicy Biełaruś najbolš biazbolna vyjści z kryzisnaj situacyi z vykarystańniem maich prafiesijnych viedaŭ i kampietencyj u śfiery achovy zdaroŭja i adukacyi».
Mikita Sałaviej — hałoŭny pazaštatny śpiecyjalist kamiteta pa achovie zdaroŭja Minharvykankama pa infiekcyjnych i parazitarnych zachvorvańniach, dacent kafiedry infiekcyjnych chvarob BDMU.
Čytajcie taksama: Hałoŭny infiekcyjanist Minska: Natalla Ivanaŭna, dyjałoh budzie tam, dzie hetaha zachoča narod Biełarusi
