«U aŭtazaku ź dziaŭčatami raspylili haz». U Minsku sudziać Volhu Chižynkovu, jana ŭžo praviała troje sutak za kratami
Fota ź instahrama Volhi Chižynkovaj
U sudzie Zavodskaha rajona Minska za ŭdzieł u niesankcyjanavanym mierapryjemstvie sudziać «Mis Biełaruś-2008» i eks-pres-sakratarku bresckaha «Dynama» Volhu Chižynkovu. Jana ŭžo praviała troje sutak za kratami ŭ čakańni suda, piša Tut.by.
U sudzie Volha vinu nie pryznała. Jana raspaviała, što 8 listapada išła z kvietkami vinšavać siabroŭku. U pieršy raz jaje tłumačeńnie siłaviki pryniali, druhi raz — u rajonie Kafiedralnaha sabora — užo nie i zabrali. Heta było prykładna ŭ 15:00 (u pratakole paznačany čas 15:10-15:30).
Pa jaje słovach, nijakaha šeścia abo mnostva ludziej u miescy zatrymańnia nie było — usio, jak u zvyčajny dzień. Nijakich łozunhaŭ jana taksama nie vykrykvała.
U aŭtazaku, pa jaje słovach, raspylili haz, choć jechali tolki dziaŭčaty i nichto nie supraciŭlaŭsia.
Spravu Volhi adpravili na dapracoŭku. Nastupny razhlad — u 14:10.
Da hetaha Chižynkovaj dali mahčymaść pahavaryć z mužam. Jana skazała, što ŭmovy ŭtrymańnia na Akreścina narmalnyja, paprasiła jaho dać pravilnyja tabletki hadavancu i pieradać joj knihu Akudžavy. Skazała, što maralna hatovaja da 15 sutak.
***
U niadzielu, 8 listapada, Volha Chižynkova była zatrymanaja i dastaŭlenaja ŭ Zavodskaje RUUS. Paźniej jaje pieraviali na Akreścina.
Paśla vybaraŭ jana nieadnarazova vykazvała svajo mierkavańnie ab situacyi ŭ Biełarusi i vystupała suprać hvałtu. U vieraśni Volha Chižynkova pazbaviłasia pracy ŭ Nacyjanalnaj škole pryhažości praz aktyŭnuju hramadzianskuju pazicyju.
