Kiraŭnik FPB Orda prapanavaŭ biełarusam chvareć bieź biuletenia piać dzion, ale z apłataj
Kiraŭnik Fiederacyi prafsajuzaŭ Biełarusi (FPB) Michaił Orda raspavioŭ 10 listapada ŭ efiry «Biełaruś 1», što prapanavaŭ dazvolić biełarusam chvareć 5 dzion biez atrymańnia listka niepracazdolnaści ŭ balnicy, źviarnuŭ uvahu Telegraf.by.
«Pavinna być bolš hnutkaje pracoŭnaje zakanadaŭstva. Kab u najmalnika była mahčymaść dać hetyja dni apłatnyja biez pradastaŭleńnia listka niepracazdolnaści», — ličyć kiraŭnik FPB.
Usio heta tamu, što ŭ balnicach čerhi. «Čałaviek trochi prychvareŭ, i kab atrymać balničny — jamu treba iści ŭ palikliniku. A tam čerhi. I jon idzie praktyčna chvory na pracu», — miarkuje Michaił Orda.
Kiraŭnik FPB ličyć, što termin da 5 dzion chopić, kab rabotnik zrazumieŭ — ci jon ačuniaŭ, ci treba źviartacca da doktara. Plus nahruzka na palikliniki stanie mienš.
Svaju prapanovu Michaił Orda ahučyŭ Alaksandru Łukašenku, choć paradak atrymańnia balničnaha lista rehulujecca zakonam «Ab achovie zdaroŭja» i pastanovami ŭrada.
