U kampanii BY_help paviedamili pra błakavańnie rachunkaŭ biełarusaŭ, jakija atrymlivali kampiensacyi
Siłaviki pačali błakavać rachunki biełarusaŭ, jakija atrymlivali kampiensacyi ad inicyjatyvy BY_help. Pra heta na svajoj staroncy ŭ Facebook raspavioŭ adzin z zasnavalnikaŭ BY_help Alaksiej Lavončyk.
— Ź siońniašniaj ranicy nam pastupajuć paviedamleńni, što pa patrabavańni SK, KDB ci padobnaj instytucyi pačałosia masavaje błakavańnie rachunkaŭ atrymalnikaŭ našaj dapamohi, — napisaŭ Alaksiej Lavončyk.
Kampanija BY_help dapamahaje aryštavanym, aštrafavanym, paranienym, źbitym, a taksama, u vyklučnych vypadkach, z apłataj advakataŭ. Kampanija BY_help padtrymała bolš za 3300 zajavak ad biełarusaŭ, jakija stali achviarami represij, usiaho zajavak u bazie bolš za 8700. Ahulnaja suma vypłačanych kampiensacyj składaje 3 674 471 rubiel. Jany pajšli na 1640 kampiensavanych štrafaŭ, 1209 vypłat pa akazańni miedycynskaj dapamohi, 401 apłata znachodžańnia na sutkach, 83 kampiensacyi pasłuh advakataŭ.
